*a girl's diary*

I got this article from peyups.com and I really love it..... i hope you'll like it too

Going Senti

by: chillybean

http://www.peyups.com/article.khtml?sid=4182

Sobrang mahal kita, ayokong maging isang pagkakamali mo. I’m not afraid to be your girlfriend...I’m afraid to be your ex. Ikaw yung pinakahihintay ko buong buhay ko, aminado ko dun, pero I love you too much, it scares me. Hmm…lakas ng ulan. Ang lamig ng hangin. Mas masarap sana itong tagpong ito kung kasama kita, tapos nakaupo lang tayong magkatabi, umiinom ng kape. Kuwentuhan lang. Ganun yung napanood ko sa TV nung isang araw eh. Simpleng eksena pero kakakilig. Ang corny ko, no? Kasalanan mo ito eh! Certified cynical bitch na ako noon, tapos heto ka, biglang nagpapansin. . .

Naalala ko tuloy nung dati, lagi kita nakukuwento sa mga naging roomates ko, friends ko, at sa mga pinsan kong walang magawa kundi mang-usisa ng love life just for kicks. Eh wala naman akong love life nun, pero ewan ko kung bakit pangalan mo nababanggit ko. Tapos iisa reaction nila, “Bakit di naging kayo?” Naks! Feeling telenovela bida naman ako. Sinasabi ko na lang, hindi pwedeng maging tayo kasi totally opposite tayo ng ugali. Feeling ko pa nun, wala kang pakialam sa mundo. Pero fine, crush kita. Bakit, may masama ba?!

Nainis nga ako sayo nung 1st yr high school tayo kasi iniwasan mo ko bigla. Tinukso lang tayo, dinedma mo na ‘ko. Ouch yun, sobra! Pinagselosan ko ata buong mundo nun eh. Kasi lahat sila nginingitian mo, tapos ako nakukuntento na lang sa malayo, nakatulala habang di ka pa nakatingin. Pathetic, pero, weno ngayon? Marami rin naman akong ibang crushes nun. Mamatay ka sa inggit!

Ok na sana ko nun kaso lang, binigyan mo pa ko bigla ng mga regalo. Grabe, daig ko pa tumama sa lotto! Para nga akong laging kinikiliti kapag tinutukso nila tayo, kaso nagwo-walk out ka lang. Kainis! Feeling TGIS pa man din ako nun. . .

Kapag tinatawagan mo ko sa phone, pati yung palabas na hinintay ko ng buong linggo eh pinapalampas ko para lang marinig yung tanong mo tungkol sa isang subject nating di ko rin naman naiintindihan. Tapos siyang-siya akong makipag-alaskahan sayo. Kinarir ko nga PBA nun dahil masarap kang kaaway kapag magkalaban ang Purefoods ko at Gordons mo. . .

At tanda mo yung Grad ball? Isa yun, hanggang sa ngayon, sa pinakamasayang araw sa tanang buhay ko. Nung sinayaw mo ko, feeling ko nakahinto buong mundo, pinapanood tayo. Pero, grabe, wala namang nangyari pagkatapos nun. . .

Ang feeling ko talaga! Kaya nung graduation, I just made sure na ma-hug kita. Tapos sabi ko sa sarili ko, huling hirit ko na talaga yun. Kung bakit di kasi kita maligawan?!

Ngayong college, tinanggap ko na lang na wala na kong pag-asa sa iyo. Pero lagi pa rin kita naiisip. Crush pa rin kita. Eh sa di ko matiis eh! Hindi mo naman alam, ok lang yun. Sabi ko na lang, marami rin ako makikitang kapalit mo. Haha! Mamamatay ka ulit sa inggit. . .

Pero wagka, kapag may gimik ang barkada, it gave me an excuse para tawagan ka’t mang-usi sa lovelife mo, at the same time, crossing my fingers na sana sabihin mo “blanko." May kinuwento ka nga nun, basta nung sinabi mong type mo siya, nalaglag ako sa silya. Aray. Sana di na lang ako nagtanong. Di tuloy ako nakatulog buong gabi. . .

Tuwing nagtetext ka ng mga love quotes, lagpas pa yung ngiti ko sa mukha ko! Ilang linggo yun naka-store sa inbox ko, tapos kapag wala akong ginagawa, binabasa ko nang paulit-ulit, nagfi-feeling-feeling na you meant every word for me. Pero shempre, feeling lang. . .

Eh certified bobing naman talaga ako when it comes to love eh. Sinagot ko nga ang isang nilalang na di ko man lang lubusang kakilala. All along, akala ko tama, until I had the chance to let you know about it. That’s when I realized you still care. Anak ng pitong pating! Akala ko over na ako sa’yo! Lecheng pag-ibig yan, bakit kasi nauso? Buti na lang jerk si ex at di kami nagtagal. Mabait pa rin ang heaven. . .

Tapos, tapos, tapos, nagkita tayo ulit… Torture nga yung few hours before ako dumating sa bahay ng barkada natin, kasi may nag-text sa akin, nandun ka na raw. . .shet, gusto kong lumipad! Malakas pa sa radyo namin ang kabog ng dibdib ko. Tapos nung makita kita, ngiti mo pa lang, lumutang na ko sa ere. Astig ka talaga. Kahit ilang buwan ang lumipas na wala akong balita sa’yo, naha-high pa rin ako kapag nakikita ka. . .

Pero mas astig ka nung nanligaw ka…whoa…!!!!! Ang saya! Kala ko nga isa pa rin sa mga ilusyon ko eh, kaya ang tagal kong nag-isip. Pero partly, gusto kong ikaw ang mag-isip kung sigurado ka ba sa pinaggagawa mo. Baka kasi napilitan ka lang sa kakatukso ng mga barkada nating praning. Eh sobrang mahal kita, ayokong maging isang pagkakamali mo. I’m not afraid to be your girlfriend...I’m afraid to be your ex. Ikaw yung pinakahihintay ko buong buhay ko, aminado ko dun, pero I love you too much, it scares me. Buti na lang, di ka nainip. At buti na lang narindi na yung best friend ko tuwing sasabihin ko sa kanyang sobrang miss kita, naiiyak ako kung minsan. Alam niya kasing kahit kami pa ni ex eh may pagkabato talaga ko. Kaya nagugulantang siya sa kapraningan ko over you. To think, hindi pa tayo nung lagay na yun ah. . .

Isipin mo pa ngayon… na tayo na… whew! galing…kung minsan nga parang di pa rin ako makapaniwalang mahal mo pala talaga ko… After 7 long years, matutupad din pala pangarap kong akala ko isang malaking kahibangan. Kaya nga kahit sobrang dalang tayong magkita ngayon, tinitiis ko. Eh yung pitong taon nga na yun nakayanan ko, ngayon pa kayang libre na sa ‘kin yung ngiti mo na dati-rati ninanakaw ko?

* * * * * * *

This article is from Peyups.com- The UP Online Community

Please include the author's name and the source of this article when copying or sending this article.

stars still shine: 10:00 PM